தமிழ்நாடு இயல் இசை நாடக மன்றம்

கலைஞர் கருணாநிதியின் சொந்த பந்தங்கள்

மதிப்புமிகு கலைஞர் கருணாநிதியின் சொந்த பந்தங்களைத் தெரிந்து கொள்ளுங்கள்.  அதற்கு முன் அவரைப் பற்றி ஓர் அரிய தகவல்.

திருக்குவளை முத்துவேலர் கருணாநிதி (தி.மு.க என்பதன் உண்மையான விரிவாக்கம்). அவர் ஆந்திரா திருக்குவளையில் இருந்து சென்னைக்கு வந்த போது, கையில் ஒரு தகரப் பெட்டி. அதில் ஒன்று இரண்டு வேட்டி சட்டைகள். அவ்வளவு தான். அதுதான் அவருடைய அப்போதைய ஆஸ்தி.    
                            

இன்று அவருடைய குடும்பத்தின் பொருளாதார நிலை என்ன. கோடீஸ்வரர்களின் பட்டியலில் முதல் இடம். அவருடைய மொத்தக் குடும்பச் சொத்து பன்னிரண்டாயிரம் கோடி. இது 2012 கணக்கு.

அவர் எப்படி கோடீஸ்வரர் ஆனார். தோட்டம் துரவு போட்டரா. இல்லை இரவு பகல் பார்க்காமல் பயிருக்கு தண்ணீர் விட்டாரா. இல்லை அவர் எழுதிய சினிமா வசனங்களுக்குத் தான் கோடிக் கணக்கில் பணம் வந்து குவிந்ததா.  

நிச்சயமாக எதுவுமே இல்லை. அரசாங்க கஜானாவில் மக்களின் வரிப் பணம் கேட்பார் இல்லாமல் சிலந்தி வலை பின்னி இருந்தது. அதை அப்படியே விட்டு வைத்தால் கரப்பான் பூச்சிகள் நாசம் செய்து விடும் என்று எண்ணி வேதனை அடைந்தார்.

அதனால் கஜானா பணத்தை எடுத்தார். தனது தொழில் துறையை விரிவாக்கம் செய்தார். தனது சொந்த பந்தங்களை கொலுவேற்றினார். இப்போது ரசித்து ரசித்துப் பார்க்கிறார். ஆக, அவர் தப்பு எதையும் செய்யவில்லையே. மகிழ்ச்சி அடையுங்கள்.

தன்னையும் தன் குடும்பத்தையும் காப்பாற்றும் ஒருவர் தான், உண்மையான நல்ல குடும்பத் தலைவர். அதை கலைஞர் எப்பவோ நன்றாகவே தெரிந்து வைத்து இருக்கிறார். 

நரிக்கு நாட்டாண்மை கொடுத்தால் கிடைக்கு இரண்டு ஆடு கேட்கும் என்று எல்லாம் தப்பாகப் பேசக் கூடாது. பாவம் அவர். அப்புறம் திடீரென்று உண்ணாவிரதம் போய் விடுவார். மக்களுக்குத் தான் சிரமம். சரிங்களா.

சிடி-ரோம் டிரைவ் - குறும் தட்டகம்

 (மலேசிய நண்பன் 27.03.2011 ஞாயிறு பதிப்பில் வெளியிடப் பட்டது)

சுந்தரராஜன் பெருமாள், ஜாலான் காசிங், பெட்டாலிங் ஜெயா, சிலாங்கூர்.

கே: சிடி-ரோம் டிரைவின் வேகத்தை 20X, 48X, 52X என்று சொல்கிறார்கள். அதில் X என்றால் என்ன?
ப: சிடி-ரோம் என்றால் குறும் தட்டு. சிடி-ரோம் டிரைவ் என்றால் குறும் தட்டகம். முதன்முதலில் வெளிவந்த குறும் தட்டகத்தின் வேகம் 150 KBPS. இந்தக் குறும் தட்டகங்கள் 1990 களில் வெளிவந்தவை. விலையும் அதிகம்.

KBPS என்பதன் விரிவாக்கம் Kilo Bytes Per Second. அப்படி என்றால் ஒரு விநாடியில் எத்தனை ‘பைட்ஸ்’ தகவல்கள் பரிமாறப் படுகின்றன என்பதை அது குறிக்கிறது. ஆக, ஆரம்பத்தில் வெளிவந்த குறும் தட்டகத்தின் வேகம் 150 KBPS ஆக இருந்தது.

பின்னர், வேகம் கூடிய தட்டகங்கள் வெளிவந்தன. புதிய குறும் தட்டகங்களின் வேகத்தை எடுத்துச் சொல்ல பழைய குறும் தட்டகங்களின் வேகத்தை அடிப்படையாக எடுத்துக் கொண்டார்கள். ஆகவே 20X என்றால் 20 X 150 =3000 கேபிபிஎஸ் என்று பொருள்.

இப்போது 80X குறும் தட்டகங்களும் வெளிவந்து விட்டன. பழைய 2X குறும் தட்டின் விலை அப்போதைய விலையில் நான்கு ரிங்கிட். இப்போதைய குறும் தட்டின் விலை வெறும் நாற்பது காசுகள் தான். கணினி உலகம் எங்கோ போய்க் கொண்டு இருக்கிறது. விரட்டிப் பிடியுங்கள்.

மின் வெளி

(மலேசிய நண்பன் 27.03.2011 ஞாயிறு பதிப்பில் வெளியிடப் பட்டது) 

கலாமஞ்சரி நாயுடு, ஜாலான் ஈப்போ, கோலாலம்பூர்


கே: Cyber Space எனும் சொற்கள் அடிக்கடி பயன் படுகின்றன. அதன் அர்த்தம் என்ன என்று சொல்லுங்கள்?

ப: 1984 ஆம் ஆண்டு வில்லியம் கிப்சன் எனும் ஓர் அறிவியல் கதாசிரியர் ‘நியூரோ மென்சர்’ எனும் நாவலை எழுதினார். அதில் அவர் சைபர் ஸ்பேஸ் எனும் ஒரு சொல்லை முதன் முதலில் பயன் படுத்தினார்.

சைபர் ஸ்பேஸ் என்றால் எவராலும் கண்ணால் காண முடியாத ஓர் இடம். ஆனால், அப்படி ஓர் இடம் இருக்கிறது என்பது எல்லாராலும் ஏற்றுக் கொள்ளக் கூடிய ஒன்று. தமிழில் ’மின் வெளி’ என்று அழைக்கலாம்.

ஆக, அப்படி பார்க்க முடியாத ஒரு கற்பனையான இடத்தைத் தான் சைபர் ஸ்பேஸ் என்று அவர் அழைத்தார். இந்தச் சொல்லை 1989ல் இணைய உலகம் பயன்படுத்த ஆரம்பித்தது. இணைய உலகத்தை சைபர் ஸ்பேஸ் என்று அழைத்தாகள். இப்போதும் அப்படித் தான் அழைக்கிறார்கள்.

கண்ணுக்குத் தெரியாத இணைய வலைப் பின்னலில் நுழைந்து அங்கு உள்ள படங்களைப் பார்க்கிறோம். ஆவணங்களைப் படிக்கிறோம். பாடங்களைப் பதிவிறக்கம் செய்கின்றோம். அவற்றை அனுபவ ரீதியாக உணர்கின்றோம். ஆனால், பார்த்தது இல்லை. ஆகவே, இணையத்தை ’சைபர் ஸ்பேஸ்’ என்று அழைப்பதில் தவறு இல்லையே.