தமிழ் மலர் - 16.07.2020 - வியாழக்கிழமை
கடந்த கால வரலாற்றில் கடல் கடந்து வாழ்ந்த பல இனங்கள் தங்கள் முகவரிகளைத் தொலைத்து விட்டன. தேடியும் கிடைக்காமல் சில இனங்கள் மனித சஞ்சாரம் இல்லாத மலைக்காடுகளில் வாழத் தொடங்கின.
இடம் பெயர்ந்து வாழத் தொடங்கிய அந்தச் சில இனங்கள் இன்னும் அப்படியேதான் வாழ்ந்து கொண்டு இருக்கின்றன. எரிமலையாவது ஏரிமலையாவது. எங்களுக்குப் பிடிக்காத ஒன்று எங்களுக்குத் தேவை இல்லை என்று எரிமலைக் காடுகளில் ஏறி, வீடுகளைக் கட்டிக் கொண்டு இன்றும் வாழ்ந்து கொண்டு வருகின்றன.
அவற்றில் ஓர் இனம்தான் தெங்கர் (Tengger) மலைவாழ் இனம். மஜபாகித் பேரரசு ஆட்சி செய்த காலத்தில் சீரும் சிறப்புமாய் வாழந்த ஓர் அரச இனம். மற்ற மற்ற மதங்களின் நெருக்குதல்களால்; அழுத்தங்களால் இடம் விட்டு இடம் பெயர்ந்த ஓர் இந்து இனம். தெங்கர் என்பது பலரும் கேள்விப் படாத பெயராகக் கூட இருக்கலாம்.
இந்தத் தெங்கர் இனம் இன்னமும் தனிமையில் தான் வாழ்கின்றது. ஆன்மீகத் தன்மையை விட்டுக் கொடுக்காத ஆத்ம இனமாக ஆதர்சனமாகவும் வாழ்ந்து கொண்டு இருக்கிறது. அந்த இனத்தைப் பற்றித் தான் இன்று தெரிந்து கொள்ளப் போகிறோம்.
கிழக்கு ஜாவாவில் ஒரு வனப் பூங்கா. அதன் பெயர் புரோமோ தெங்கர் செமெறு தேசியப் பூங்கா (Bromo Tengger Semeru National Park). தனிமைப் படுத்தப்பட்ட வனப் பூங்கா. இந்தோனேசிய மக்களும் சரி; மற்றவர்களும் சரி; அந்தப் பகுதிக்கு அதிகமாகப் போவது இல்லை. அங்கேதான் இந்தத் தெங்கர் இனம் வாழ்ந்து கொண்டு இருக்கிறது.
அண்மைய காலங்களில் இந்த இனத்தைப் பற்றி வெளியுலகத்திற்குத் தெரிய வந்தது. சுற்றுலா பயணிகள் நிறையவே போக ஆரம்பித்தார்கள். அந்தமான் ஆதிவாசிகளைப் போல வாழ்ந்த தெங்கர் மக்கள் இப்போது இவர்களும் காசு பார்க்க ஆரம்பித்து விட்டார்கள். காசு பார்க்கும் கலாசாரம் அங்கேயும் கதை சொல்ல ஆரம்பித்து விட்டது. சரி.
இந்தோனேசியா, ஜாவாவில் தெங்கர் எரிமலை புகழ்பெற்றது. தெங்கர் மலைக்கு மற்றொரு பெயர் புரோமோ மலை (Mount Bromo). அந்த மலையின் அடிவாரக் காடுகளில் 30 தெங்கர் கிராமங்கள். அதாவது எரிமலைப் பள்ளங்களின் உயரமான சரிவுகளில் அந்தக் கிராமங்கள் உள்ளன.
இந்தக் கிராமங்களில் இப்போது ஏறக்குறைய 100,000 தெங்கர் மக்கள் வாழ்கிறார்கள். முன்பு மூன்று இலட்சம் பேர் வாழ்ந்தார்கள். இந்த இனத்தவரின் மக்கள் தொகை படிப்படியாகக் குறைந்து வருகிறது.
இவர்களைத் தெங்கிரிய மக்கள் (Tenggerese) என்று அழைக்கிறார்கள். ஜாவா தீவில் எஞ்சி உள்ள சில குறிப்பிடத்தக்க இந்துச் சமூகங்களில் தெங்கர் சமூகமும் ஒன்றாகும்.
கி.பி. 1500-ஆம் ஆண்டுகளில் ஜாவாவை மஜபாகித் சாம்ராஜ்யம் ஆட்சி செய்தது. அந்தச் சாம்ராஜ்த்தில், எஞ்சி இருக்கும் அரசக் குடும்ப உறுப்பினர்களின் சந்ததிகள் என்று நம்பப் படுகிறது. மஜபாகித் பேரரசு முதலில் இந்து பேரரசு. பின்னர் பௌத்த அரசாக மாறியது.
மஜபாகித் சாம்ராஜ்யத்தின் கடைசிக் காலத்தில் ஜாவாவில் இஸ்லாமிய மதம் பரவத் தொடங்கியது. நெருக்குதல்களின் காரணமாக மஜபாகித் சாம்ராஜ்யத்தின் அரச குடும்பத்தினர் மலைப் பகுதிகளுக்கு இடம் பெயர்ந்தார்கள். அவர்கள் இந்து மதத்தைப் பின்பற்றி அங்கேயே கடந்த 500 ஆண்டுகளுக்கும் மேலாக வாழ்ந்து விட்டார்கள்.
இந்தோனேசிய அரசாங்கமும் அவர்களின் சமய நம்பிக்கையில் தலையிடவில்லை.
எரிமலைப் பகுதிகளுக்கு இடம் பெயர்ந்த தெங்கர்கள் இந்து மதத்தைப் பின்பற்றி வந்தார்கள். காலப் போக்கில் அவர்களின் இந்து மதத்தில் சிற்சில மாற்றங்கள். பாலித் தீவைப் போல தங்களுக்கு என்று தனி ஓர் இந்து சமயத்தை உருவாக்கிக் கொண்டு வாழ்ந்து கொண்டு வருகிறார்கள்.
இவர்களைப் போல கிழக்கு ஜாவாவின் பசுருவான் (Pasuruan); புரோபோலிங்கோ (Probolinggo); மலாங் (Malang); மற்றும் லுமாஜாங் (Lumajang) பகுதிகளிலும் தெங்கர் மக்களின் சிதறிய சமூகங்கள் உள்ளன.
இந்தச் சமூகங்கள் ரோரோ ஆந்தாங் (Roro Anteng) மற்றும் ஜோகோ சேகர் (Joko Seger) என்பவர்களின் பாரம்பரிய வழித்தோன்றல்கள் என்று நம்பப் படுகிறது.
500 ஆண்டுகளுக்கு முன்பு மஜபாகித் அரசின் கடைசி மன்னராக பிராவிஜயா (Brawijaya) என்பவர் ஆட்சி செய்து வந்தார். அப்போது புதிய மதமாக இஸ்லாம் விரிவடைந்து வந்தது. அதன் காரணமாக மஜபாகித் பேரரசில் நிலைமை பதற்றமாக இருந்தது.
அந்த நேரத்தில் மகாராணியார் ஒரு பெண் குழந்தையைப் பெற்று எடுத்தார். அவளுக்கு ரோரோ ஆந்தாங் என்று பெயரிட்டார். பின்னர் இந்த இளவரசி ஜோகோ சேகர் என்பவரைத் திருமணம் செய்து கொண்டார்.
புதிய மதத்தின் தாக்கங்கள் மிகவும் வலுவாக இருந்தன. பற்பல குழப்பங்கள். அதனால் பிராவிஜயா ராஜாவும் அவரைப் பின்பற்றுபவர்களும் புலம் பெயர்ந்து வாழ வேண்டிய கட்டாயம் ஏற்பட்டது. அவர்களில் சிலர் பாலித் தீவிற்குச் சென்றனர். சிலர் புரோமோ எரிமலையின் அடிவாரத்திற்குச் சென்றனர்.
இளவரசி ரோரோ ஆந்தாங்; ஜோகோ சேகர் ஆகியோரும் எரிமலைக் காட்டுப் பகுதிக்குச் சென்றார்கள். பின்னர் அவர்கள் எரிமலைப் பகுதியை ஆட்சி செய்து அதற்குத் தெங்கர் (Tengger) என்று பெயர் வைத்தார்கள்.
தெங்கர் மக்கள், ஜாவானிய தெங்கர் (Tengger Javanese) என்று அழைக்கப்படும் ஒரு பழமையான ஜாவானிய (மஜபாகித்) மொழியைப் பேசுகிறார்கள். இந்த மொழி பழைய ஜாவானிய பிராமி (Javanese Brahmi) மொழியை அடிப்படையாகக் கொண்டது. அவர்கள் ஒரு வகையான காவி எழுத்துகளையும் சொந்தமாக உருவாக்கிக் கொண்டார்கள். அதைத்தான் இப்போது பயன்படுத்துகிறார்கள்.
தெங்கர் மக்கள் பொதுவாக இந்து மதத்தைத் தங்கள் மதம் என்று கூறுகின்றனர். திரி மூர்த்திகளான சிவன், பிரம்மா, விஷ்ணு ஆகியோரைத் தங்களின் குலதெய்வங்களாக வழிபடுகின்றனர்.
இருப்பினும் அவர்கள் காலப் போக்கில் பௌத்தம்; மற்றும் ஆன்ம வாதக் கூறுகளையும் தங்களின் இந்து மதத்துடன் இணைத்துக் கொண்டு உள்ளனர்.
புரோமோ எரிமலையை மிகவும் புனிதமான இடங்களில் ஒன்றாக கருதுகிறார்கள். அந்த எரிமலை வெடித்தால், தங்கள் மீது கடவுள் மிகவும் கோபமாக இருப்பதாகவும் நம்புகிறார்கள்.
கோயில் அர்ச்சகர்கள் என்பது அவர்களின் பரம்பரைச் சேவையாகும். இந்தச் சேவை தந்தையிடம் இருந்து மகனுக்குச் செல்கிறது. ஒவ்வொரு கிராமத்திலும் ஒரே ஒரு கோயில் இருக்கும். ஒரே ஒரு பூசாரி. இவருக்கு லெஜான் (Legen); செபு (Sepuh); தண்டன் (Dandan) என மூன்று உதவியாளர்கள்.
ஆனால் எல்லோருடைய வீடுகளிலும் பூஜை அறை இருகிறது. சிவன், பிரம்மா, விஷ்ணு உருவச் சிலைகளை வைத்து பிரார்த்தனை செய்கிறார்கள்.
கடந்த சில ஆண்டுகளில் அருகில் இருக்கும் மதுரா தீவில் மக்கள் தொகை அதிகரித்து விட்டது. அதன் காரணமாக, பல மதுரா குடியேறிகள், தெங்கர் மக்களின் நிலத்தைக் கைப்பற்றி வருகின்றனர். அத்துடன் மதம் மாற்றப்பட்டு உள்ளனர். இதுவரையிலும் 10,000 தெங்கர் மக்கள் இஸ்லாத்திற்கு மதம் மாறி உள்ளனர்.
மத மாற்ற நடவடிக்கைகளின் காரணமாக, தெங்கர் மக்கள் தங்களின் இந்து கலாச்சாரத்தையும் இந்து மதத்தையும் பாதுகாக்கும்படி பாலித் தீவு இந்துக்களைக் கேட்டுக் கொண்டார்கள்.
(Hindu Tenggerese asked the Balinese Hindus for help by reforming their culture and religion closer to the Balinese.)
பாலித் தீவில் இருந்து இந்து மத அறிஞர்கள் புரோமோ மலை அடிவாரத்திற்கு வந்து உதவிகள் செய்கிறார்கள். இதை அறிந்த இந்தோனேசிய அரசாங்கம் தெங்கர் இந்து மக்களைப் பாதுகாக்கும் முயற்சிகளில் இறங்கியது.
தெங்கர் மக்கள் வாழும் மலைப் பகுதிகளைப் புரோமோ - தெங்கர் - செமெறு தேசியப் பூங்காவாக இந்தோனேசிய அரசாங்கம் அறிவித்து உள்ளது. மேலும் இந்த பகுதியில் வெளியாட்கள் உள்நுழைவது சட்டவிரோதச் செயல் என்றும் அறிவித்து உள்ளது. அந்த வகையில் தெங்கர் மக்களை வெளியில் இருந்து திணிக்கப்படும் அழுத்தங்களில் இருந்தும் பாதுகாத்து வருகிறது.
(The Indonesian government declared the Tengger Mountains as the Bromo-Tengger-Semeru national park and declared that any more logging in this area is an illegal act, therefore protecting the Tenggerese from further disruption.)
இந்தோனேசியாவில் தெங்கர் இனம்:
இந்து மதம்: 85500 (95%)
இஸ்லாம்: 3600 (4%)
கிறிஸ்தவம் (Protestant): 900 (1%)
தெங்கர் மக்கள் அடிப்படையில் விவசாயிகள் அல்லது கால்நடை வளர்ப்பவர்கள். இவர்களில் விவசாயம் செய்பவர்கள் குறைவான மலை உயரம் கொண்ட பகுதிகளில் வாழ்கிறார்கள். கால்நடை வளர்ப்பவர்கள் அதிக உயரமான இடங்களில் வாழ்கிறார்கள். இவர்களின் பயணங்களுக்குச் சிறிய சிறிய குதிரைகளைப் பயன்படுத்துகிறார்கள்.
நாம் இங்கே தீபாவளியைக் கொண்டாடுவது போல அவர்களும் அங்கே யத்னியா கசாடா (Yadnya Kasada) எனும் திருவிழாவைக் கொண்டாடுகிறார்கள்.
இது ஒரு முக்கியமான சமயத் திருவிழா. சுமார் ஒரு மாதம் நீடிக்கும் திருவிழா. திருவிழாவின் 14ஆவது நாளில், புரோமோ மலையின் உச்சிக்குச் செல்கிறார்கள்.
அங்கு அவர்களின் பிரதான தெய்வங்களான விதி வாசா (Widi Wasa); மகாதேவா (Mahadeva) தெய்வங்களுக்கு அரிசி, பழம், காய்கறிகள், பூக்கள் போன்றவற்றைப் பிரசாதங்களாகப் படைத்து பிரார்த்தனை செய்கிறார்கள்.
தெங்கர் இந்துக்கள். உலகின் எங்கோ ஓர் எரிமலை அடிவாரத்தில் ஓர் இந்து மதச் சமூகத்தவர்களாக வாழ்கின்றார்கள். அவர்கள் தங்களின் வரலாற்றைத் தொலைக்கவில்லை. சமயப் பண்பாடுகளையும் தொலைக்காமல்; பாரம்பரியக் கலாசாரத்தையும் தொலைக்காமல் கட்டிக் காத்து வருகின்றார்கள். தலை வணங்குவோம்.
சான்றுகள்:
1. http://www.mahavidya.ca/2012/06/18/the-tenggerese-hindus-of-java/
2. https://www.britannica.com/topic/Tengger
3. https://www.behance.net/gallery/70513251/KINGDOM-OF-TENGGER
4. https://www.eastjava.com/tourism/malang/mount-bromo.html
5. https://en.wikipedia.org/wiki/Tenggerese_people
6. http://pojokpitu.com/baca.php?idurut=46774
PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.
கடந்த கால வரலாற்றில் கடல் கடந்து வாழ்ந்த பல இனங்கள் தங்கள் முகவரிகளைத் தொலைத்து விட்டன. தேடியும் கிடைக்காமல் சில இனங்கள் மனித சஞ்சாரம் இல்லாத மலைக்காடுகளில் வாழத் தொடங்கின.
இடம் பெயர்ந்து வாழத் தொடங்கிய அந்தச் சில இனங்கள் இன்னும் அப்படியேதான் வாழ்ந்து கொண்டு இருக்கின்றன. எரிமலையாவது ஏரிமலையாவது. எங்களுக்குப் பிடிக்காத ஒன்று எங்களுக்குத் தேவை இல்லை என்று எரிமலைக் காடுகளில் ஏறி, வீடுகளைக் கட்டிக் கொண்டு இன்றும் வாழ்ந்து கொண்டு வருகின்றன.
அவற்றில் ஓர் இனம்தான் தெங்கர் (Tengger) மலைவாழ் இனம். மஜபாகித் பேரரசு ஆட்சி செய்த காலத்தில் சீரும் சிறப்புமாய் வாழந்த ஓர் அரச இனம். மற்ற மற்ற மதங்களின் நெருக்குதல்களால்; அழுத்தங்களால் இடம் விட்டு இடம் பெயர்ந்த ஓர் இந்து இனம். தெங்கர் என்பது பலரும் கேள்விப் படாத பெயராகக் கூட இருக்கலாம்.
இந்தத் தெங்கர் இனம் இன்னமும் தனிமையில் தான் வாழ்கின்றது. ஆன்மீகத் தன்மையை விட்டுக் கொடுக்காத ஆத்ம இனமாக ஆதர்சனமாகவும் வாழ்ந்து கொண்டு இருக்கிறது. அந்த இனத்தைப் பற்றித் தான் இன்று தெரிந்து கொள்ளப் போகிறோம்.
கிழக்கு ஜாவாவில் ஒரு வனப் பூங்கா. அதன் பெயர் புரோமோ தெங்கர் செமெறு தேசியப் பூங்கா (Bromo Tengger Semeru National Park). தனிமைப் படுத்தப்பட்ட வனப் பூங்கா. இந்தோனேசிய மக்களும் சரி; மற்றவர்களும் சரி; அந்தப் பகுதிக்கு அதிகமாகப் போவது இல்லை. அங்கேதான் இந்தத் தெங்கர் இனம் வாழ்ந்து கொண்டு இருக்கிறது.
அண்மைய காலங்களில் இந்த இனத்தைப் பற்றி வெளியுலகத்திற்குத் தெரிய வந்தது. சுற்றுலா பயணிகள் நிறையவே போக ஆரம்பித்தார்கள். அந்தமான் ஆதிவாசிகளைப் போல வாழ்ந்த தெங்கர் மக்கள் இப்போது இவர்களும் காசு பார்க்க ஆரம்பித்து விட்டார்கள். காசு பார்க்கும் கலாசாரம் அங்கேயும் கதை சொல்ல ஆரம்பித்து விட்டது. சரி.
இந்தோனேசியா, ஜாவாவில் தெங்கர் எரிமலை புகழ்பெற்றது. தெங்கர் மலைக்கு மற்றொரு பெயர் புரோமோ மலை (Mount Bromo). அந்த மலையின் அடிவாரக் காடுகளில் 30 தெங்கர் கிராமங்கள். அதாவது எரிமலைப் பள்ளங்களின் உயரமான சரிவுகளில் அந்தக் கிராமங்கள் உள்ளன.
இந்தக் கிராமங்களில் இப்போது ஏறக்குறைய 100,000 தெங்கர் மக்கள் வாழ்கிறார்கள். முன்பு மூன்று இலட்சம் பேர் வாழ்ந்தார்கள். இந்த இனத்தவரின் மக்கள் தொகை படிப்படியாகக் குறைந்து வருகிறது.
இவர்களைத் தெங்கிரிய மக்கள் (Tenggerese) என்று அழைக்கிறார்கள். ஜாவா தீவில் எஞ்சி உள்ள சில குறிப்பிடத்தக்க இந்துச் சமூகங்களில் தெங்கர் சமூகமும் ஒன்றாகும்.
கி.பி. 1500-ஆம் ஆண்டுகளில் ஜாவாவை மஜபாகித் சாம்ராஜ்யம் ஆட்சி செய்தது. அந்தச் சாம்ராஜ்த்தில், எஞ்சி இருக்கும் அரசக் குடும்ப உறுப்பினர்களின் சந்ததிகள் என்று நம்பப் படுகிறது. மஜபாகித் பேரரசு முதலில் இந்து பேரரசு. பின்னர் பௌத்த அரசாக மாறியது.
மஜபாகித் சாம்ராஜ்யத்தின் கடைசிக் காலத்தில் ஜாவாவில் இஸ்லாமிய மதம் பரவத் தொடங்கியது. நெருக்குதல்களின் காரணமாக மஜபாகித் சாம்ராஜ்யத்தின் அரச குடும்பத்தினர் மலைப் பகுதிகளுக்கு இடம் பெயர்ந்தார்கள். அவர்கள் இந்து மதத்தைப் பின்பற்றி அங்கேயே கடந்த 500 ஆண்டுகளுக்கும் மேலாக வாழ்ந்து விட்டார்கள்.
இந்தோனேசிய அரசாங்கமும் அவர்களின் சமய நம்பிக்கையில் தலையிடவில்லை.
எரிமலைப் பகுதிகளுக்கு இடம் பெயர்ந்த தெங்கர்கள் இந்து மதத்தைப் பின்பற்றி வந்தார்கள். காலப் போக்கில் அவர்களின் இந்து மதத்தில் சிற்சில மாற்றங்கள். பாலித் தீவைப் போல தங்களுக்கு என்று தனி ஓர் இந்து சமயத்தை உருவாக்கிக் கொண்டு வாழ்ந்து கொண்டு வருகிறார்கள்.
இவர்களைப் போல கிழக்கு ஜாவாவின் பசுருவான் (Pasuruan); புரோபோலிங்கோ (Probolinggo); மலாங் (Malang); மற்றும் லுமாஜாங் (Lumajang) பகுதிகளிலும் தெங்கர் மக்களின் சிதறிய சமூகங்கள் உள்ளன.
இந்தச் சமூகங்கள் ரோரோ ஆந்தாங் (Roro Anteng) மற்றும் ஜோகோ சேகர் (Joko Seger) என்பவர்களின் பாரம்பரிய வழித்தோன்றல்கள் என்று நம்பப் படுகிறது.
500 ஆண்டுகளுக்கு முன்பு மஜபாகித் அரசின் கடைசி மன்னராக பிராவிஜயா (Brawijaya) என்பவர் ஆட்சி செய்து வந்தார். அப்போது புதிய மதமாக இஸ்லாம் விரிவடைந்து வந்தது. அதன் காரணமாக மஜபாகித் பேரரசில் நிலைமை பதற்றமாக இருந்தது.
அந்த நேரத்தில் மகாராணியார் ஒரு பெண் குழந்தையைப் பெற்று எடுத்தார். அவளுக்கு ரோரோ ஆந்தாங் என்று பெயரிட்டார். பின்னர் இந்த இளவரசி ஜோகோ சேகர் என்பவரைத் திருமணம் செய்து கொண்டார்.
புதிய மதத்தின் தாக்கங்கள் மிகவும் வலுவாக இருந்தன. பற்பல குழப்பங்கள். அதனால் பிராவிஜயா ராஜாவும் அவரைப் பின்பற்றுபவர்களும் புலம் பெயர்ந்து வாழ வேண்டிய கட்டாயம் ஏற்பட்டது. அவர்களில் சிலர் பாலித் தீவிற்குச் சென்றனர். சிலர் புரோமோ எரிமலையின் அடிவாரத்திற்குச் சென்றனர்.
இளவரசி ரோரோ ஆந்தாங்; ஜோகோ சேகர் ஆகியோரும் எரிமலைக் காட்டுப் பகுதிக்குச் சென்றார்கள். பின்னர் அவர்கள் எரிமலைப் பகுதியை ஆட்சி செய்து அதற்குத் தெங்கர் (Tengger) என்று பெயர் வைத்தார்கள்.
தெங்கர் மக்கள், ஜாவானிய தெங்கர் (Tengger Javanese) என்று அழைக்கப்படும் ஒரு பழமையான ஜாவானிய (மஜபாகித்) மொழியைப் பேசுகிறார்கள். இந்த மொழி பழைய ஜாவானிய பிராமி (Javanese Brahmi) மொழியை அடிப்படையாகக் கொண்டது. அவர்கள் ஒரு வகையான காவி எழுத்துகளையும் சொந்தமாக உருவாக்கிக் கொண்டார்கள். அதைத்தான் இப்போது பயன்படுத்துகிறார்கள்.
தெங்கர் மக்கள் பொதுவாக இந்து மதத்தைத் தங்கள் மதம் என்று கூறுகின்றனர். திரி மூர்த்திகளான சிவன், பிரம்மா, விஷ்ணு ஆகியோரைத் தங்களின் குலதெய்வங்களாக வழிபடுகின்றனர்.
இருப்பினும் அவர்கள் காலப் போக்கில் பௌத்தம்; மற்றும் ஆன்ம வாதக் கூறுகளையும் தங்களின் இந்து மதத்துடன் இணைத்துக் கொண்டு உள்ளனர்.
புரோமோ எரிமலையை மிகவும் புனிதமான இடங்களில் ஒன்றாக கருதுகிறார்கள். அந்த எரிமலை வெடித்தால், தங்கள் மீது கடவுள் மிகவும் கோபமாக இருப்பதாகவும் நம்புகிறார்கள்.
கோயில் அர்ச்சகர்கள் என்பது அவர்களின் பரம்பரைச் சேவையாகும். இந்தச் சேவை தந்தையிடம் இருந்து மகனுக்குச் செல்கிறது. ஒவ்வொரு கிராமத்திலும் ஒரே ஒரு கோயில் இருக்கும். ஒரே ஒரு பூசாரி. இவருக்கு லெஜான் (Legen); செபு (Sepuh); தண்டன் (Dandan) என மூன்று உதவியாளர்கள்.
ஆனால் எல்லோருடைய வீடுகளிலும் பூஜை அறை இருகிறது. சிவன், பிரம்மா, விஷ்ணு உருவச் சிலைகளை வைத்து பிரார்த்தனை செய்கிறார்கள்.
கடந்த சில ஆண்டுகளில் அருகில் இருக்கும் மதுரா தீவில் மக்கள் தொகை அதிகரித்து விட்டது. அதன் காரணமாக, பல மதுரா குடியேறிகள், தெங்கர் மக்களின் நிலத்தைக் கைப்பற்றி வருகின்றனர். அத்துடன் மதம் மாற்றப்பட்டு உள்ளனர். இதுவரையிலும் 10,000 தெங்கர் மக்கள் இஸ்லாத்திற்கு மதம் மாறி உள்ளனர்.
மத மாற்ற நடவடிக்கைகளின் காரணமாக, தெங்கர் மக்கள் தங்களின் இந்து கலாச்சாரத்தையும் இந்து மதத்தையும் பாதுகாக்கும்படி பாலித் தீவு இந்துக்களைக் கேட்டுக் கொண்டார்கள்.
(Hindu Tenggerese asked the Balinese Hindus for help by reforming their culture and religion closer to the Balinese.)
பாலித் தீவில் இருந்து இந்து மத அறிஞர்கள் புரோமோ மலை அடிவாரத்திற்கு வந்து உதவிகள் செய்கிறார்கள். இதை அறிந்த இந்தோனேசிய அரசாங்கம் தெங்கர் இந்து மக்களைப் பாதுகாக்கும் முயற்சிகளில் இறங்கியது.
தெங்கர் மக்கள் வாழும் மலைப் பகுதிகளைப் புரோமோ - தெங்கர் - செமெறு தேசியப் பூங்காவாக இந்தோனேசிய அரசாங்கம் அறிவித்து உள்ளது. மேலும் இந்த பகுதியில் வெளியாட்கள் உள்நுழைவது சட்டவிரோதச் செயல் என்றும் அறிவித்து உள்ளது. அந்த வகையில் தெங்கர் மக்களை வெளியில் இருந்து திணிக்கப்படும் அழுத்தங்களில் இருந்தும் பாதுகாத்து வருகிறது.
(The Indonesian government declared the Tengger Mountains as the Bromo-Tengger-Semeru national park and declared that any more logging in this area is an illegal act, therefore protecting the Tenggerese from further disruption.)
இந்தோனேசியாவில் தெங்கர் இனம்:
இந்து மதம்: 85500 (95%)
இஸ்லாம்: 3600 (4%)
கிறிஸ்தவம் (Protestant): 900 (1%)
தெங்கர் மக்கள் அடிப்படையில் விவசாயிகள் அல்லது கால்நடை வளர்ப்பவர்கள். இவர்களில் விவசாயம் செய்பவர்கள் குறைவான மலை உயரம் கொண்ட பகுதிகளில் வாழ்கிறார்கள். கால்நடை வளர்ப்பவர்கள் அதிக உயரமான இடங்களில் வாழ்கிறார்கள். இவர்களின் பயணங்களுக்குச் சிறிய சிறிய குதிரைகளைப் பயன்படுத்துகிறார்கள்.
நாம் இங்கே தீபாவளியைக் கொண்டாடுவது போல அவர்களும் அங்கே யத்னியா கசாடா (Yadnya Kasada) எனும் திருவிழாவைக் கொண்டாடுகிறார்கள்.
இது ஒரு முக்கியமான சமயத் திருவிழா. சுமார் ஒரு மாதம் நீடிக்கும் திருவிழா. திருவிழாவின் 14ஆவது நாளில், புரோமோ மலையின் உச்சிக்குச் செல்கிறார்கள்.
அங்கு அவர்களின் பிரதான தெய்வங்களான விதி வாசா (Widi Wasa); மகாதேவா (Mahadeva) தெய்வங்களுக்கு அரிசி, பழம், காய்கறிகள், பூக்கள் போன்றவற்றைப் பிரசாதங்களாகப் படைத்து பிரார்த்தனை செய்கிறார்கள்.
தெங்கர் இந்துக்கள். உலகின் எங்கோ ஓர் எரிமலை அடிவாரத்தில் ஓர் இந்து மதச் சமூகத்தவர்களாக வாழ்கின்றார்கள். அவர்கள் தங்களின் வரலாற்றைத் தொலைக்கவில்லை. சமயப் பண்பாடுகளையும் தொலைக்காமல்; பாரம்பரியக் கலாசாரத்தையும் தொலைக்காமல் கட்டிக் காத்து வருகின்றார்கள். தலை வணங்குவோம்.
சான்றுகள்:
1. http://www.mahavidya.ca/2012/06/18/the-tenggerese-hindus-of-java/
2. https://www.britannica.com/topic/Tengger
3. https://www.behance.net/gallery/70513251/KINGDOM-OF-TENGGER
4. https://www.eastjava.com/tourism/malang/mount-bromo.html
5. https://en.wikipedia.org/wiki/Tenggerese_people
6. http://pojokpitu.com/baca.php?idurut=46774
PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.
