தாஜ் மகால் அடித்தளம்

உலக அதிசயங்களில் ஒன்றான தாஜ் மகாலுக்கு அடித்தளம் (Foundation) எப்படிப் போட்டு இருக்கிறார்கள். அதுவும் ஒரு பெரிய அதிசயம். தெரிந்து கொள்ளுங்கள். யமுனா ஆற்றுக் கரைப் பகுதிகளில் ஆங்காங்கே பெரிய பெரிய அகழிகள் தோண்டப் பட்டன. 

அந்த அகழிகளில் நீர் மட்டத்தில் இருந்து 50 மீட்டர் ஆழத்திற்கு தேக்கு, கருங்காலி மரங்களை அடித்து இறக்கி இருக்கிறார்கள். அதன் பின்னர் இரும்புக் கட்டிகள்; கரிசல் கற்களைக் கொட்டி நிரப்பி இருக்கிறார்கள். தேக்கு மரங்கள் அசாம், வங்காள தேசக் காடுகளில் இருந்து கொண்டு வரப் பட்டவை.

ஏன் ஆற்றங்கரையில் அப்படி வலுவான அடித்தளங்களை அமைத்தார்கள்? யமுனா ஆற்றங்கரை மணல் நிறைந்த பகுதி. ஆற்றுப் படுகை பலமாக இருந்தால் தான் அருகில் இருக்கும் பிரதான தாஜ்மகால் கட்டடம் ஆட்டம் காணாமல் நிலைத்து நிற்கும்.

பின்னர் அகழிகளின் மண் நன்றாக இறுக்கம் அடையச் செய்யப் பட்டது. அதன் பின்னர் இருபது அடி உயரத்திற்கு கரிசல் மண் அதன் மீது கொட்டப்பட்டது. அதன் மீது உடனடியாக மரங்கள் நடப்பட்டன.

மரங்கள் இருந்தால் ஆற்றுப் படுகை பலமாக இருக்கும். அருகில் இருக்கும் பிரதான தாஜ் மகால் கட்டடமும் வலுவுடன் இருக்கும். எப்பேர்ப்பட்ட பொறியியல் நுணுக்கம்.  

அதன் பின்னர் தாஜ் மகால் பிரதானக் கட்டடத்தின் அடிப் பாகத்தில் 50 மீட்டர் ஆழத்திற்கு கிணறுகள் தோண்டப் பட்டன. (50 மீட்டர்). அந்தக் கிணறுகளில் ஆற்றுக் கற்களையும், சிறு சிறு பாறைகளையும், கருங்கற்களையும், மரத் தைலங்களையும் சேர்த்து நிரப்பி இருக்கிறார்கள்.

அதுதான் தாஜ் மகாலின் அசல் அஸ்திவாரம். அசல் அடித்தளம். சிமெண்டு சுண்ணாம்புக் கலவைகள் சேர்க்காத அஸ்திவாரம். அடித்தளங்கள் அமைக்க மட்டும் ஓர் ஆண்டு காலம் பிடித்து இருக்கிறது.

அதனால் தான் தாஜ் மகால் இன்றைக்கும் ஆடாமல் அசையாமல் அப்படியே இருக்கிறது. இறைவனுக்கு நன்றி சொல்வோம்.

ஆகராவில் இரு முறை நில அதிர்வுகள் ஏற்பட்டு உள்ளன. இருந்தாலும் தாஜ் மகாலுக்கு மட்டும் எந்தப் பாதிப்பும் ஏற்படவில்லை. அப்படிப்பட்ட பலமான அஸ்திவாரத்தைப் போட்டு இருக்கிறார்கள்.

(காணாமல் போன கறுப்பு தாஜ் மகால், பாகம் 6-இல் இருந்து)


1. Carroll, David (August 1975). Taj Mahal (Hardback). Wonders of Man. Newsweek, US.  ISBN 0-88225-024-8.

2. Balasubramaniam, R (10 July 2009). "New insights on the modular planning of the Taj Mahal" (PDF).