19 March 2016

தமிழ்ச் சினிமாவில் தற்கொலைகள்



நடிகர் சாய் பிரசாந்தின் தற்கொலை தமிழ்த் திரையுலகத்தை ஓர் அதிர்ச்சியான சோகத்தில் ஆழ்த்தி இருக்கிறது. பணம், புகழ், செல்வாக்கு எல்லாம் இருந்தது. இருந்தாலும் தங்களின் பொன்னான வாழ்க்கையை அற்ப காரணங்களுக்காக முடித்துக் கொள்கிறார்கள். அந்தப் பிரபலங்களின் எண்ணிக்கையும் அதிகரித்து வருகிறது.

தமிழ் சினிமாவையும் நடிகர் நடிகையர்களின் தற்கொலைகளையும் பிரிக்க முடியாது என்று சொல்லும் அளவிற்கு நிலைமை மோசமாகி விட்டது. அந்த வகையில் இதுவரை தற்கொலை செய்து கொண்ட பிரபலங்களைப் பற்றி தெரிந்து கொள்வோம். இந்தத் தகவல்களைச் செய்தியுலகம் இணையத்தில் இருந்து பெற்றேன். அவர்களுக்கு நன்றி.

நடிகை லட்சுமி ஸ்ரீ 1979 ஆம் ஆண்டு தூக்கில் தொங்கி தற்கொலை செய்து கொண்டார். ரஜினிகாந்த் நடிப்பில் வெளியான தர்மயுத்தம் படத்தில் அவரின் தங்கையாக லட்சுமி ஸ்ரீ நடித்திருந்தார்.

படாபட் ஜெயலட்சுமி ‘நித்தம் நித்தம் நெல்லுச்சோறு நெய் மணக்கும் கத்தரிக்கா’ என்ற ஒரே பாடல் மூலம் புகழ் பெற்றவர். இவர் 1979 ஆம் ஆண்டில் விஷம் குடித்து தற்கொலை செய்து கொண்டார். அவள் ஒரு தொடர்கதை, ஆறில் இருந்து அறுபது வரை, முள்ளும் மலரும் போன்ற படங்களில் ஜெயலட்சுமி நடித்திருக்கிறார்.