டான்ஸ்ரீ கே.ஆர். சோமா அறவாரியம் புத்தகப் போட்டி 2021

தேசிய நில நிதி கூட்டுறவு சங்கத்தின் டான் ஸ்ரீ கே.ஆர். சோமா மொழி இலக்கிய அறவாரியம் இரண்டு ஆண்டுகளுக்கு ஒரு முறை நடத்தும் அனைத்துலகப் புத்தகப்போட்டி. இதில் உள்நாட்டு, வெளிநாட்டுப் புத்தகங்கள் பரிசீலிக்கப்படும்.

விதிமுறைகள்

1. போட்டியின் பெயர்: டான் ஸ்ரீ கே.ஆர். சோமா அனைத்துலகப் புத்தகப்பரிசு.

2. நோக்கம்: அ. அனைத்துலக மற்றும் மலேசிய நிலையில் தரமான புத்தகங்கள் வெளிவர ஊக்குவித்தல்

ஆ. இந்தப் போட்டி இரண்டு ஆண்டுகளுக்கு ஒரு முறை நடத்தப்படும்.

இ. படைக்கப்படும் நூல்களில் தமிழ் மொழிக்கும் இனத்துக்கும் மிகு பயன் விளைக்கும் சிறந்த நூலாக அமைதல் வேண்டும்

3. பரிசுத் தொகைகள்

அ. பரிசுத் தொகை - அனைத்துலக நிலையில் - US $ 10,000

ஆ. பரிசுத் தொகை - மலேசியப் பிரிவில் - RM 10,000

4. படைப்பு

அ. துறை: நாவல், வரலாறு, ஆய்வு, தனி ஒருவரின் சிறுகதைத் தொகுப்பு, தனி ஒருவரின் கவிதைத் தொகுப்பு

ஆ. மொழி – தமிழ்

இ. மொழித் தரம் – தமிழ் மொழியின் இலக்கணம், சொல்லாட்சி, மரபு ஆகிய கூறுகளில் தரமுடையதாக இருத்தல் அவசியம்.

ஈ. படைப்புத் திறன் – அந்தந்த துறைகளுக்கு உரிய கலைக் கூறுகள், உத்திகள் ஆகியவற்றுடன் பண்பாட்டு வரம்புக்கும் உட்பட்டதாக இருத்தல் வேண்டும்.

உ. விளைபயன் – தமிழ் மொழிக்கும் இனத்திற்கும் கீழ்க்காணும் துறைகள் சார்ந்து மிகு பயன் விளைத்தல்.

((i) மொழி இலக்கியம் கலை பண்பாடு போன்றவை

(ii) கல்வி, அறிவியல், சமூகவியல்

(iii) மனித அக மேம்பாடு, வாழ்வியல் நெறி போன்றவை

(iv) இதர மேம்பாட்டுக் கூறுகள்

5. நூலின் பங்கேற்புத் தகுதி

(i) சொந்தப் படைப்பாக இருத்தல் வேண்டும்.

(ii) கல்வித் தகுதி கருதி உருவாக்கப்படும் ஆய்வேடு ஏற்றுக் கொள்ளப் படாது.

(iii) வாழ்க்கை வரலாற்று நூல்களில், படைப்பாளரின் சொந்த வரலாற்று நூல் ஏற்றுக் கொள்ளப்படாது.

(iv) குறிப்பிட்ட நோக்கத்திற்காக இடுபணியாகச் செய்யப்படும் ஆய்வு சார்ந்த நூல்கள் ஏற்றுக் கொள்ளப்படாது.

(v) பொது நல நோக்கங்களுக்கு அப்பால் பட்டவையாக எழுதப்படும் நூல்கள் ஏற்றுக் கொள்ளப் படாது.

(vi) அனைத்து நூல்களும் ISBN பதிவு பெற்றிருக்க வேண்டும்

(vii) ஏற்கனவே வெளிவந்து இந்தப் போட்டிக்காக திருத்தி, மறு பதிப்பு செய்து அனுப்பி வைக்கப்படும் நூல்கள் ஏற்றுக் கொள்ளப்பட மாட்டாது.

6. நூலின்அமைப்பு

(i) அளவு – 14 செ.மீ. 21 செ.மீ. அளவுக்கு குறையாதது

(ii) பக்கங்கள் – 200 பக்கங்களுக்கு குறையாதது

(iii) எழுத்துரு – 12 புள்ளிக்கும் மிகாதது (வாசிப்புத் தகுதி)

(iv) பதிப்புத்தரம் – ஏற்புடையதாக இருத்தல் வேண்டும்.

7. படைப்பாளர்

(i) அறவாரியப் பொறுப்பாளர்களும் பணியாளர்களும் அவர்தம் குடும்பத்தின் நேரடி உறுப்பினர்களும் பங்கேற்புக்குத் தகுதி பெற மாட்டார்கள்.

(ii) குறிப்பிட்ட ஆய்வு ஆண்டிற்குரிய நடுவர்களது குடும்பங்களின் நேரடி உறுப்பினர்கள் பங்கேற்புக்குத் தகுதி பெற மாட்டார்கள்.

8. பங்கேற்பு

(i) படைப்பாளரோ அல்லது நூலைப் பதிப்பிக்கும் பதிப்பகத்தாரோ நூல்களைப் போட்டிக்கு அனுப்பி வைக்கலாம்.

(ii) ஒருவர் ஒரு படைப்பை மட்டுமே அனுப்ப வேண்டும்.

(iii) பங்கேற்கும் நூலாசிரியர் / பதிப்பகத்தார் போட்டிக்கு 5 படிகளை அனுப்பி வைக்க வேண்டும்.

(iv) நூல்கள், போட்டி அறிவிக்கப்பட்ட இரண்டு ஆண்டு (2016-2017) கால வரம்புக்கு உட்பட்ட முதற் பதிப்பாக இருத்தல் வேண்டும்.

(v) பங்கேற்புக்கு, முறையாக நிறைவு செய்யப்பட்ட நுழைவுப் படிவம் அவசியம் இணைக்கப்பட வேண்டும்.

(vi) பங்கேற்புக்கு உரிய நுழைவுப் படிவத்தை (http;//tansrisomabookaward.com.my) என்ற வாரிய அகப் பக்கத்திலிருந்து பதிவிறக்கம் செய்து கொள்ளலாம்.

(vii) நூல்கள் அனுப்பப் பட்டதற்கான சான்று, அவை வந்து சேர்ந்ததற்கான சான்றாகாது. முடிவு நாளுக்குள் வந்தடைந்த நூல்கள் மட்டுமே பங்கேற்புக்குத் தகுதி பெறும்.

(viii) பங்கேற்புக்கான நுழைவுப் படிவமும் நூல்களும் வந்து அடைந்ததற்கான சான்றுக் கடிதம் பங்கேற்பாளருக்கு அனுப்பப்படும்.

(ix) தெரிவு செய்யப் பட்டவர்களுக்கு மட்டுமே போட்டி முடிவு குறித்து அறிவிக்கப்படும்.

(x) அறவாரியத்தின் அகப் பக்கத்திலும் ஊடகங்களிலும் போட்டி குறித்த முடிவுகள் அறிவிக்கப்படும்.

9. பங்கு பெறும் நூல்களின் மதிப்பீடு

(i) போட்டிக்குத் தகுதி பெறும் ஒவ்வொரு நூலும் தனிப்பட்ட 3 நடுவர்களால் ஆய்வு செய்யப்படும்.

(ii) நடுவர்களின் தனிப்பட்ட முடிவுகள், அறவாரியப் பேராளர்கள் அடங்கிய தெரிவுக் குழுவால் ஓருங்கிணைக்கப்பட்டு, பரிசுக்குரிய நூல் தேர்வு செய்யப்படும்.

(iii) பங்கு பெறும் ஒவ்வொரு நூலுக்கும் கீழ்க்காணும் மூன்று கோணங்களில், மேற் கூறப்பட்ட 4-ஆம் விதிமுறை சார்ந்து மதிப்பெண்கள் வழங்கப்படும்.

அ. மொழித்தரம் - 4 ஆ & இ தரும் விளக்கத்தின் அடிப்படையில் மதிப்பிடப்படும்

ஆ. படைப்புத்திறன் - 4 உ தரும் விளக்கத்தின் அடிப்படையில் மதிப்பிடப்படும்.

இ. விளைபயன் - 4 உ தரும் விளக்கத்தின் அடிப்படையில் மதிப்பிடப்படும்

(iv) மதிப்பெண்கள்

அ. படைப்புத்திறன் - 50 %

ஆ. மொழித்தரம் - 25 %

இ. விளைபயன் - 25 %

10. பங்கேற்கும் நூல்களின் பதிப்புக் காலம்

(i) பரிசுக்கான ஆய்வும் தெரிவும் ஈராண்டுகளுக்கு உரியது.

(ii) போட்டிக்கு உரிய இரண்டாவது ஆண்டின் டிசம்பர் மாதத்தில் போட்டி குறித்த அறிவிப்பு வெளியிடப்படும்.

(iii) போட்டிக்கு உரிய இரண்டு ஆண்டுகளுக்குப் பின்னர் மார்ச்சு 31-ஆம் நாளுக்குள் அனுப்பப் படும் நூல்கள் ஏற்றுக் கொள்ளப்படும்.

(iv) இரண்டாம் ஆண்டின் இறுதிக்குள் பரிசு முடிவு, பரிசளிப்பு நாள், இடம் போன்ற தகவல்கள் அறிவிக்கப்படும்.

11. நடுவர்கள்

(i) பல்வேறு நாடுகளைச் சேர்ந்த அறிஞர்கள், அறவாரியத்தால் தெரிவு செய்யப்பட்டு நடுவர்களாக நியமிக்கப் படுவர்.

(ii) போட்டிப் பரிசு பற்றிய நடுவர்களின் முடிவே இறுதியானது.

12. பரிசளிப்பு

(i) பரிசு பெற்றவர்களுக்கு தேசிய நில நிதி கூட்டுறவு சங்கத் தலைவர் அல்லது டான் ஸ்ரீ கே.ஆர்.சோமா அறவாரியத் தலைவர், இருவரில் ஒருவர் பரிசுகளை வழங்குவார்.

(ii) அனைத்துலகப் போட்டியிலும், மலேசியப் போட்டியிலும் வெற்றியாளர்களுக்கு ஒரே மாதிரியான பதக்கமும் நினைவுச் சின்னமும் வழங்கப்படும்.

(iii) அனைத்துலகப் பரிசு பெறுபவருக்கும் அவரது குடும்ப உறுப்பினர் அல்லது முறையான உதவியாளர் ஒருவருக்கும் பரிசளிப்பு நிகழும் இடத்திற்கு இரு வழி வானூர்திப் போக்குவரத்தும் தங்குமிட வசதியும் வழங்கப்படும்.

(iv) பரிசு பெறுபவர் பரிசளிப்பு நிகழ்ச்சியில் தமது படைப்பைப் பற்றி 10 நிமிடங்கள் உரை நிகழ்த்துவார்

(v) பரிசு முடிவு செய்யப்பட்ட பின் நூலுக்கு உரியவரோ அவரைப் பிரதிநிதிக்கும் சட்ட ரீதியான வாரிசோ, அப்பரிசினைப் பெறத் தகுதி உடையராவார்.

(vi) வெற்றி பெறும் படைப்பாளர்கள் பரிசு பெறு முன், தங்களது நூலின் 30 பிரதிகளை அறவாரியத்திற்கு வழங்க வேண்டும்.

13. விதிகளுக்கு விளக்கமும் மாற்றமும்

(i) விளக்கம்

இந்த நிலை விதிகளில் நேரடியாகக் குறிப்பிடப் படாத அல்லது போதிய விளக்கமளிக்கப் படாத சூழல் அல்லது சிக்கல் தோன்றும் நிலையில், அது குறித்து அறவாரியம் எடுக்கும் நிலைப்பாடே இறுதியானது.

(ii) மாற்றம்

அ. தேவையென்று கருதப்படும் போது, இந்த நிலை விதிகளில் புதியவற்றைச் சேர்க்கவோ இருக்கும் ஒன்றைத் திருத்தவோ, நீக்கவோ அறவாரியத்துக்கு உரிமையுண்டு.

ஆ. எனினும் அறவாரியத்தால் குறைந்த பட்சம் மூவரைக் கொண்டு அமைக்கப்படும பணிக் குழுவின் ஆய்வுக்கும், பரிந்துரைக்கும் ஏற்பவே மாற்றங்கள் செய்யப்படும்.

14. எல்லா படைப்புகளும் கீழ்க்காணும் முகவரிக்கு அனுப்பி வைக்கப் படவேண்டும்.

15. Download Form : http://tansrisoma.nlfcs.com.my/EntryForm.pdf

டத்தோ பா. சகாதேவன் PJN, SSA, PPT, ANS,
நிர்வாக இயக்குனர்,
தேசிய நில நிதி கூட்டுறவு சங்கம் டான் ஸ்ரீ கே.ஆர்.சோமா மொழி இலக்கிய அறவாரியம்,
10 வது மாடி,
விஸ்மா துன் சம்பந்தன்,
த.பெ.எண் 12133 50768
கோலாலம்பூர்.

DATUK B.SAHADEVAN PJN, SSA, PPT, ANS,
Managing Director,
NATIONAL LAND FINANCE COOPERATIVE SOPCIETY,
Tan Sri K.R.Soma Language & Literary Foundation 10th Floor,
Wisma Tun Sambanthan,
P.O.Box 12133+ 50768.
Kuala Lumpur.

தொலைபேசி; 603 2273 1250

தொலைநகல்; 603 2273 0826

மின்னஞ்சல் முகவரி:

kpselvam@tansrikrsomabookaward.com

parvathi@tansrikrsomabookaward.com