23 May 2019

5ஜி தொழில்நுட்பம்

விநாடிக்கு 7ஜி.பி. வேகம்

ஐந்தாம் தலைமுறைக்கான அலைபேசியை அடிப்படையாகக் கொண்ட இணையத்தளத் தொழில்நுட்பமே 5ஜி (5G) என்று அழைக்கப் படுகிறது. இதற்கு முன்பு 4ஜி (4G) எனும் நான்காம் தலைமுறை தொழில்நுட்பம் இருந்தது. அதை விட 5ஜி பல நூறு மடங்கு வேகமாகப் பதிவிறக்கம்; பதிவேற்றம் செய்யும் ஆற்றலைக் கொண்டது. ஜி என்றால் ஜெனரேசன் (Generation).




5ஜி திறன்பேசியின் ஆற்றலை ஒரே வார்த்தையில் சொல்கிறேன். யூடியூப்பில் திரைப் படங்கள் மில்லியன் கணக்கில் உள்ளன. இந்தத் திரைப்படங்களை உங்களுடைய திறன்பேசியின் மூலமாகப் பதிவிறக்கம் செய்ய முடியும். அந்த வகையில் ஒரு திரைப் படத்தை 4 விநாடிகளில் பதிவிறக்கம் செய்து விடலாம். அவ்வளவு வேகம்.

அதாவது 50 காணொலிகளை ஒரே விநாடியில் பதிவிறக்கம் செய்யும் வேகம். நினைத்துப் பார்க்க முடியவில்லை. 5ஜி மலேசியாவிற்கு வந்து விட்டது. விரைவில் பரவலாகப் பயன்படுத்தப் படலாம்.




உலகில் புகழ்பெற்ற திறன்பேசி தயாரிப்பு நிறுவனமான சாம்சங் கடந்த 2019 மார்ச் மாதம் தன் 5ஜி திறன்பேசியான சாம்சங் கேலக்சி எஸ்10ஐ வெளியிட்டது. அதேபோன்று, ஹுவாவேய், ஓப்போ போன்ற முன்னணி நிறுவனங்கள் ஏற்கனவே தங்களின் 5ஜி திறன்பேசிகளை வெளியிட்டுவிட்டன.

No comments:

Post a Comment