1780-ஆம் ஆண்டுகளில் பினாங்கு தீவு கட்டுமானத்தின் முன்வைப்பு. பினாங்கு முன்னோடி பிரான்சிஸ் லைட் அவர்களின் முன்னெடுப்பு. அதுவே தமிழர்களின் முதன்மைப் பங்களிப்பு. பினாங்கு தமிழர்கள் தான் பினாங்கு கொடிமலையில் பாதை அமைத்துக் கொடுத்தார்கள். பினாங்கு கொடி மலையில் இருந்து குடி நீரை மாட்டு வண்டிகளில் தோம்பு கட்டிக் கொண்டு வந்தார்கள். ஜார்ஜ் டவுன் நகர் மக்களுக்கு விநியோகம் செய்தார்கள்.
காடுகளாய்க் கிடந்த பினாங்கை மக்கள் வாழும் வசிப்பிடமாக மாற்றிக் காட்டினார்கள். பினாங்கு வனப்பூங்காவை 150-ஆண்டுகளுக்கும் மேலாக பராமரிப்புச் செய்தார்கள். குட்டித் துறைமுகமாக இருந்த பினாங்கு துறைமுகத்தைப் பெரிய பரிமாணத்தில் வார்த்துக் காட்டினார்கள். பினாங்கு சாலைகளின் கட்டுமானத்தை அமைத்துக் கொடுத்தவர்களும் மலாயா தமிழர்களே. ரொம்ப வேண்டாம்.
பாயாம் லெப்பாஸ் விமானத் திடலை அமைத்துக் கொடுத்தவர்களும் மலாயா தமிழர்கள் தான். பினாங்கு ஜெட்டி துறைமுகத்தை அமைத்துக் கொடுத்தவர்களும் அவர்கள் தான். கொடிமலைக்கு இரயில் பாதையைப் போட்டுக் கொடுத்தவர்களும் அவர்கள் தான்.
கொட்டும் மழையிலும் கடிக்கும் வெயிலிலும் வெறும் வேட்டி தலைப்பாகை கட்டிக் கொண்டு பினாங்கு தீவின் கட்டுமானத்தில் முதுகெலும்பாய் வாழ்ந்து காட்டியவர்கள். அரசியல் கைதிகளாகவும் அற்றைக் கூலிகளாகவும் பரிணமிததவர்கள். பினாங்குத் தீவின் வளப்பத்திற்கு உறுதுணையாக இருந்து உள்ளார்கள்.
ஆக இவர்களைப் போய் வந்தேறிகள் என்று சொல்கிறார்களே. என்னங்க சொல்வது. இதில் இப்போது ரவிக்கையும் சேலையும் பாரம்பரிய உடை என்று வேறு சொல்கிறார்கள். ஒன்றுமே புரியலீங்க. எங்கேயாவது மனுசன் இல்லாத காட்டுக்கு ஓடிப் போகலாம் போல இருக்கிறது.
(மலாக்கா முத்துக்கிருஷ்ணன்)
26.10.2020
சான்றுகள்:
1. In 1786, Francis Light established Penang the first British trading post in the Far East. In 1826, Penang, along with Malacca and Singapore, became part of the Straits Settlements under the British administration in India, moving to direct British colonial rule in 1867. - https://penangport.gov.my/en/public/history-penang-port
2. Penang Then & Now: A Century of Change in Pictures - https://arecabooks.com/product/penang-then-now-a-century-of-change-in-pictures/
3. Penang under the East India Company 1786-1857 and Penang at War 1914-1946.
4. The South Asian Cultural Impact Upon Penang - Penang Tourism
கருத்துகள் இல்லை:
கருத்துரையிடுக